Thu dik lo sawiah BJP-in Hawla puh
BJP Mizoram state general secretary Vanlalhmuaka chuan, Chakma Autonomous District Council (CADC)-a BJP leh Congress thawhho chungchangah Congress party president Lal Thanhawla'n October 26, Zirtawpni khan thu dik lo a sawi niin a sawi a; Lal Thanhawla chu a rawtna hrang hrang Central-a BJP hotute'n an tihhlawhtlin loh vanga BJP puhchhiatna zawngah a puh.
Vanlalhmuaka hian Inrinni khan an party pisaah thuthar thehdarhtu ṭhenkhatte a kâwm a; kumina CADC inthlan result puan a nih hnuah Congress MDC-te chuan BJP thawhpui loh hlauin an Congress nihna dah-
ṭhain United Legislature Party (ULP) lem siamin, BJP-in sorkarna siam ula, unconditional support kan pe ang che u, tiin CADC-ah BJP-in sorkarna an siam ta niin a sawi a, "Kan sàwm pawh ni lo, kan bathlar lo kal a, an lal châkin BJP lal sût an rawn vuan chawt ta si a, inhnawhchhuah ngawt thu a awm lo a, BJP chuan ni e, tiin kan lo kuangkuah ta ngawt a ni," a ti.
Comments
Post a Comment