Mitampi cu an thinlung ngaihchiatnak sangchinrih ko laimu.

Mitampi cu an thinlung ngaihchiatnak sangchinrih ko laimu.

Voitampi cu Maw Bawipa tiah thinlung tangcum in ka mitthli he van lei ka zoh tawn ii Pathian sinah khan ka ngaihchiatnak lungre theihnak kha ka chimhtawn a sinain, a caan ah cun Pathian a um tihmanh hi ka theih lo caan a um tawn. Minung sinak in khuaruah caan ah cun Lung a dawngh cikcek caan hi a tampi.

Tu thlathar kan van kai December thla kan van phan, Mitampi thinlung a hlau ii timhlamhnak nganpi le riannganpi ngeiin a ralai mi X’mas caan hmannak ding an ruat hna chunmang an manh hna. A cheu cu ngaihchiatnak nih a rak hlawmthan ve hna. Cucu Minung tam deuh nih kan hngallo.

Hlan deuhpi ah Mizo nu Thawngtha chim ka rak ngaihmi ah a chimmi kha ka lungah a hungchuak than. X’mas caan hi mitampi ca ah lawmhnak a si ko nain, a ngeilo mi ca ah cun Ngaihchiatnak lungthin zawt caan a si tiah a rak chim mi khi ka theih.

 Ka van tuak ii a chimmi kha a palh lonak ka hngalh. Mirum deuh le ngei deuh nih khan an duh mi poah dawr ah an zuarmi thilri an ii cawk lai ii Sifak le Nu longaktah fa cheu khat hna cu mi um ning le hruk aih ning zoh le mihngarnak ngaihchiatnak nih an thinlung a tuam lai ii a hlawm than hna lai.

Sifak fanu fapa hna nih khan cun zeihmanh hi an ii cawk kho lailo, hawi hngar in an um lai khi an thinlung put ding ka van ruah ah khin ka thinlung afaktuk zeihmanh bawmhchanh khawh an silo. Hmanhah thinlung tal in kan theih hna ah hin an lawmhnak a tling deuh ve hnga maw timi ka ruattawn. Pathian nih Nulo ngaktah hna hi ho cawm ding le zohkhenh dingah dah a chiah hna. An sinak konglam te tal hi na ruat bal ve maw? X’mas lai tal ah hin cun kan theih ve hna hi Pathian lung kan tawnnak a siko lai ti ka ruat.kantheih khawh penghna lo zawngah X’mas lai tal ah cun an mitthlam ah cuanter ve ko hna usih.

Tukum cu a rauh hlan ah kan thlah cang hna lai. kum thar a rak chuah bak in chungkhar cio in Pathian sinah kum 2019 chungah thluachuahnak pe dingin kan hal lai ii a thatuk mi kan iruah chan cio fawn hna lai. a sinain Pathian fa le ca ah thil zeihmanh tuah lo in Pathian kan halthan ding hi cu ka sia a remlo, Ngaktah le Buangro hna hal awk um lo tiangin kan halkanh dih fawn hna lai. ka chim duh mi cu kan ii fiang ko lai dah ka ti.

Ka dawt mi ka u le nau Lai Miphun hawi hna nan mah taksa le chungkhar lawng zoh lo in a tu kum 2019 X’mas dingah na timhlamhnak ah hin na pawngkam ah bawmh chanh aherhmi le Nulongaktah fa an um maw Hawi Hngartuk in le a kan hnagrtuk ding an um maw? Timi kha kan ruah chih hna aherh ii kan mah bantuk in an nih zawng kan timhlamh ve hna awk asi. Mirum Pathian lawng a silo ca ah X’mas ni zingah apum ngam lo mi le lengah a chuak ngam lo dingmi hna ca ah khan kan tuan hawl mi tlawmpal cu cheubang ve ko hna usih. Mirum Pathian lawng a silo kha sifak ca ah Pathian a si ve bang hi X’mas ah Khrihcu lunglawmtein an dawni an lawmh khawh venak dingah bawm ve hna. Tiah bia cah kan duh hna. Peknak hi a sung ballo mi a si.Pathian nih an hnek sak mi an si na pawngkam ah Pathian lung na tawn khawh le khawh lo test nak hneksak nak na tawnglai rak zoh hmanh cucu zeidang piin a silai lo. sifak, Nu le pa ngeilo tibantuk le bawmhhau mi in an hneksak lai. cu tikah Pathian na lawmhter kho lo suallai a hlan deuh in rak itim lam.